Anôk rang mdah Sâm Ngọc Linh Kon Tum tal 2 srăng mkŏ mjing akŏ mlan 2/2023
Thứ bảy, 14:44, 07/01/2023
VOV TayNguyen
VOV TayNguyen
VOV4.Êđê - Klei rang mdah Sâm Ngọc Linh tal 2 thŭn 2023 mâo knơ̆ng bruă sang čư̆ êa kdriêk Tu Mơ Rông, čar Kon Tum mkŏ mjing srăng pŏk mơ̆ng hrue 6 truh hrue 8/2 kơ anăp.
Mbĭt hŏng jih jang bruă bi mnia mblei tinei lŏ pŏk lu bruă kñăm iêo jak phung ƀuôn sang thâo săng kơ mta ana yuôm bhăn anei. klei rang mdah anei mâo 50 knưng mnơ̆ng mơ̆ng dŭm să, phung duh mkra, êpul hgŭm bruă... hlăm kdriêk.
Jih jang dŭm anôk rang mdah mâo jing Sâm Ngọc Linh, ana êa drao boh mnga bruă pla mjing mkăn mơ̆ng krĭng, dŭm mta mnơ̆ng mkra mjing mơ̆ng Sâm Ngọc Linh. Võ Trung Mạnh, khua knơ̆ng bruă sang čư̆ êa kdriêk Tu Mơ Rông, čar Kon Tum brei thâo mbĭt hŏng bruă bi mnia mblei klei rang mdah anei lŏ mâo lu bruă mkŏ mjing hưn mthâo hŏng phung ƀuôn sang thâo săng kơ ana Sâm Ngọc Linh.
Viết bình luận