Bi lu jơr bruă mjĕ êrô mnuih ƀuôn sang plah wah ƀuôn prŏng Hồ Chí Minh leh anăn Prăng
Thứ sáu, 10:31, 14/07/2023
VOV Tây Nguyên
VOV Tây Nguyên
VOV4.Êđê- Hlăm klei kƀĭn bi tuôm bi hdơr 234 thŭn mkŏ mjing ala čar Prăng 14/7, mkŏ mjing ti ƀuôn prŏng Hồ Chí Minh, Êpul hgŭm Việt Nam – Prăng ƀuôn prŏng brei thâo: klei mngač hlăm bruă bi mguôp plah wah Việt Nam – Prăng jing klei mtô mjuăt bi hriăm, anei ăt jing mta kñăm mđing tal êlâo leh anăn truăn ngă nanao hlăm wưng êgao, boh nik ti ƀuôn prŏng Hồ Chí Minh.
Dŭm klei bi mguôp hlăm bruă mtô mjuăt bi hriăm dưi kñăm kơ bruă mtô leh anăn mđĭ kyar klei Prăng, mkŏ mjing ai dưi mnuih mă bruă hriăm gưl prŏng, êdei gưl prŏng hlăm lu mta bruă msĕ si: Kriê dlăng bruă duh mkra, knơ̆ng prăk, ngăn prăk, klei bhiăn, kdrăp mrâo, bruă mdrao mgŭn.
Bruă mtrŭt mđĭ klei mtô klei Prăng ti Việt Nam leh anăn ti ƀuôn prŏng Hồ Chí Minh, boh nik hlăm dŭm adŭ hriăm 2 klei blŭ mkŏ mjing klei găl kơ bruă mjĕ êrô hđeh sang hră, mtrŭt mđĭ klei bi mguôp hlăm djăp mta bruă leh anăn đru hyuăt kjăp klei mjĕ giăm plah wah mnuih ƀuôn sang 2 ala čar.
Viết bình luận