Hlăm 3 hruê, mơ̆ng hruê 8/9 – 10/9, êbeh 800 čô thâo mbruă, phung bi lông, phung kdŏ mmuñ mơ̆ng 11 êpul dŭm čar, ƀuôn prŏng krĭng kwar krah mâo leh dŭm klei bi lông mjuăt asei mlei leh anăn dŭm hdră bhiăn hlăm hruê knăm kdrưh kơăm, tŭ dưn. Dŭm mta bruă phŭn msĕ si: Rang mdah kdrăp čŭt hơô djuê ana, klei kdŏ mmuñ, rang mdah dŭm mta mnơ̆ng dhơ̆ng djuê ana…dưi mkŏ mjing klei kruăk knăl jăk hŏng phung tuê, phung thâo mbruă, phung kdŏ mmuñ, phung bi lông leh anăn phung nao atăt mnuih djuê vviă dŭm čar leh anăn mnuih ƀuôn sang čar Bình Định.

Bi kơ klei mjuăt asei mlei, phung bi lông bi lông hlăm 4 mta klei mjuăt ktang asei mlei djuê ana leh anăn klei lăp đưm. Anei jing dŭm mta bruă mâo lu mnuih ƀuôn sang krĭng dap kwar krah khăp čiăng, kreh bi hriăm mjuăt, rang mdah leh anăn bi lông hlăm dŭm knăm dhar kreh leh anăn knăm mơak knhuah gru ti alŭ wăl.