Aguah mbrue 10/3, ti să Trường Hà, kdriêk Hà Quảng, čar Cao Bằng mkŏ mjing knăm djăt êa ti hnoh êa Lê Nin, pŏk leh knăm anei bi hdơr kơ Pác Pó thŭn 2024. Wưng anei, čar Cao Bằng mâo drông leh klei tŭ yap jing knhuah gru dhar kreh amâo mâo êdah klă kơ lăn čar hŏng bruă “pơ̆k mñam mnuih djuê ana Tày”. Mbĭt anăn, ƀăng k’ưp Ngườm Gảng lehanăn sang yang Nùng Trí Cao ăt mâo yap jing knhuah gru hƀuê ênuk gưl čar.

Knăm djăt êa mơ̆ng Pác Bó lehanăn klei ba wĭt êa anăn jing klei kñăm kriê pioh klei thâo hdơr knga, jing leh knhuah jăk siam ti alŭ wăl. Knăm anei kčưm kơ bruă wĭt kơ phŭn agha Pác Bó thŭn 2024. Tinei lŏ mkŏ mjing knăm bi lông yan mnga kơ êmô, klei bi lông êran “Wĭt kơ Pác Bó” thŭn 2024; mâo klei hưn mthâo kơ dhar kreh, kơ mnơ̆ng ƀơ̆ng ti dŭm să, wăl krah, rang mdah rup dhar kreh mnuih Nùng Vẻn.