Hluê anăn 6 čô bi lông mâo puăng lu hĭn dưi bi mni. Pô bi lông Tạ Tuấn Anh mơ̆ng ƀuôn prŏng Hồ Chí Minh mâo mă klei pah mni mrô 1, klei pah mni mrô 1 kơ pô bi lông Nguyễn Hương mơ̆ng Dak Lak, klei pha mni mrô 3 kơ Lê Đức Mạnh, čar Dak Lak leh anăn 3 klei pah mni mđĭ ai kơ phung bi lông Phan Hồng Phong (čar Quảng Trị), Hồ Hoàng Minh Thắng (čar Kon Tum) leh anăn Mai Hoàng Phát ƀuôn prŏng Hồ Chí Minh).

Hluê si êpul ksiêm dlăng, klei bi klă hnơ̆ng tŭ jăk kphê hlăm klei bi lông hluê si dŭm klei čuăn mrâo mơ̆ng Êpul hgŭm kphê jăk – SCA bi mâo lu klei lông dlăng kơ phung bi lông hlăm klei bi lông thŭn anei. Ƀiădah, phung bi lông dưi găn jih leh anăn mâo puăng lu. Klei anei lŏ dơ̆ng bi klă êpul đeh kphê Việt Nam ƀrư̆ hruê ƀrư̆ thơ̆ng kơ bruă.