Klei bi lông anei mâo lu hdă kdŏ mmuñ jăk siam, jiă knhuah dhar kreh djuê ana. Giăm 700 čô mơ̆ng 23 êpul kdŏ mmuñ hlăm 21 să, ƀuôn hgŭm hlăm alŭ wăl ƀuôn prŏng Ƀuôn Ama Thuôt nao hgŭm giăm 120 hdră kdŏ mmuñ. Hŏng hdră mmuñ hjăn, mmuñ dua čô, mmuñ lu mnuih, hdră kdŏ, tông ayŭ kdrap djuê ana, ênhiang mmuñ djuê ana, mmuñ then.

Dŭm hdră kdŏ mmuñ mâo mta phŭn bi mni kơ Đảng, kơ Awa Hô, klei khăp kơ ƀuôn sang, kơ ala čar, knhuah gru kdơ̆ng mblah cách mạng lehanăn klei čang hmăng kpưn đĭ mkŏ mkra ƀuôn sang mdrŏng sah. Mjưh ruê̆ knăm anei, anôk mkŏ mjing jao leh 46 klei pah mni mta A,B,C lehanăn mđĭ ai kơ dŭm klei bi lông. Jao 11 klei pah mni kơ êpul mâo lu boh tŭ dưn ti knăm bi lông anei./.