Gru kruăk mơ̆ng hdră bruă djuê ana ti ƀuôn prŏng Ƀuôn Ama Thuôt jing bruă kriê pioh, mđĭ lar knhuah dhar kreh djuê ana mguôp hŏng hdră mđĭ kyar bruă hiu čhưn ênguê. Lu ƀuôn sang mkŏ mjing leh êpul phung mbruă, krŭ wĭt bruă djuê ana mơ̆ng đưm, mkra sang dôk jing dŭm homestay, anôk phung tuê hiu čhưn.

 Trần Đức Nhật, Kơiăng khua anôk bruă sang čư̆ êa ƀuôn prŏng Ƀuôn Ama Thuôt brei thâo, hŏng hdră mkŏ mkra Ƀuôn Ama Thuôt jing ƀuôn prŏng mtah – siam – jiă knhuah dhar kreh, ƀuôn prŏng dôk iêu mtrŭt djăp klei găl mâo mđĭ kyar bruă duh mkra – ala buôn ti dŭm krĭng ƀuôn sang hơ̆ng klei hơĭt kjăp, mtrŭt mnuih ƀuôn sang mđĭ lar klei găl mâo, bi đru, hgŭm mguôp mbĭr čiăng kriê pioh dŭm boh tŭ yuôm dhar kreh djuê ana, đru mtrŭt mđĭ bruă hiu čhưn ênguê./.