Cao Bằng: Knăm mă êa mơ̆ng akŏ êa Pác Bó
Thứ ba, 14:00, 21/02/2023
VOV Tây Nguyên
VOV Tây Nguyên
VOV4.Êđê- Aguah mbrue 20/2, ti akŏ hnoh êa Lê Nin hƀuê ênuk mnuih ƀuôn sang mơ̆ng ƀuôn Pác Bó, să Trường Hà, kdriêk Hà Quảng, čar Cao Bằng mkŏ mjing leh knăm ngă yang djăt êa mơ̆ng hnoh êa Lê Nin ba myơr kơ sang ngă yang kơ Hồ Chí Minh.
Knăm anei mâo mnuih ƀuôn sang ti alŭ wăl mkŏ mjing bi hdơr kơ phŭn agha Pác Bó thŭn 2023. Klei bhiăn anei hlăm akŏ thŭn mrâo jing knhuah dhar kreh mơ̆ng djuê ana Tày, Nùng hlăm lu anôk ti Cao Bằng djă pioh nanao bruă djăt êa ba kơ sang ngă yang kkuh mpŭ kơ Hồ Chí Minh mâo mnuih ƀuôn sang mkŏ mjing hlăm grăp hrue 1mlan 2 hlue mlan ƀlĕ mơ̆ng lu thŭn leh.
Nao hŏng knăm djăt êa mơ̆ng akŏ Pác Bó thŭn 2023, phung tue lŏ mâo dlăng dŭm klei kdŏ mmuiñ mơ̆ng dum djuê ana ti kdriêk Hà Quảng; lehanăn dŭm klei hlăp mbul djuê ana mâo bhĭr kon, ktŭng klei, đĭ kwưng...
Mâo lu mnơ̆ng ƀơ̆ng hlue knhuah djuê ana, lehanăn rang mdah lu kdrăp pơ̆k mñam mơ̆ng mnuih djuê ƀiă krĭng anei./.
Viết bình luận