Čar Dak lak leh anăn ƀang Kerala (India) bi klă 11 hră bi hdơr bi mguôp bruă hiu čhưn ênguê
Thứ ba, 10:05, 04/06/2024
VOV Tây Nguyên
VOV Tây Nguyên
VOV4.Êđê - Tlam mmăt mbruê 3/6, ti ƀuôn prŏng Ƀuôn Ama Thuôt, čar Dak Lak mkŏ mjing hdră bi tuôm mtrŭt mđĭ bruă hiu čhưn ênguê plah wah čar čar Dak Lak leh anăn ƀang Kerala (India).
Hlăm klei kƀĭn trông, k’iăng khua bruă sang čư êa čar Dak Lak Nguyễn Thiên Văn hưn kơ dŭm klei găl mơ̆ng bruă hiu čhưn ênguê Dak Lak. Êdah hĭn jing dŭm tuor hiu čhưn ênguê jăk hŏng êman, bruă hiu čhưn ênguê ala ƀuôn, dhar kreh dŭm djuê ana hlăm čar. Pô bi ala India ti ƀuôn prŏng Hồ Chí Minh Madan Mohan Sethi brei thâo: Êpul knơ̆ng bruă India dôk mâo dŭm gưl bi tuôm, mtrŭt mđĭ bruă hiu čhưn ênguê ti lu čar, ƀuôn prŏng ti Việt Nam.
Madan Mohan Sethi hmăng hmưi srăng mkŏ mjing klei đĭ kyar hlăm klei bi mguôp plah wah 2 ala čar, hlăm anăn mâo ƀang Kerala hŏng dŭm čar, ƀuôn prŏng ti Việt Nam. Wưng anei, pô bi ala dua tĭng bi klă 11 hră bi hdơr bi mguôp hlăm bruă hiu čhưn ênguê.
Viết bình luận