Gưl anei 2 mnơ̆ng kriê pioh ti Dak Lak mâo Phŭn bruă dhar kreh, mjuăt ktang asei mlei  tŭ yap jing mnơ̆ng kriê pioh amâo êdah klă gưl ala čar, mâo “Klei bhiăn ala ƀuôn leh anăn klei đăo mơ̆ng Knăm ngă yang hdĭp jŏk mnuih MNông ti kdriêk Lăk” leh anăn “Klei duê mnuih Êđê ti kdriêk Čư̆ M’Gar.

Snăn, mbĭt hŏng klei Khan Êđê dưi tŭ yap hlăm thŭn 2014, truh ară anei Dak Lak mâo leh 3 mta mnơ̆ng kriê pioh amâo êdah klă ala čar. Thŭn anei čar Dak Lak mâo 17 čô thâo mbruă mâo Khua lăn čar mđup brei  leh anăn 3 čô thâo mbruă dưi mđup brei anăn knăl Pô thâo mbruă êdah kdlưn kyua mâo leh klei duh myơr êdah êdi hlăm klei kriê pioh leh anăn mđĭ lar ênoh yuôm dhar kreh amâo êdah klă mơ̆ng djuê ana./.