Mĭn tĭng srăng mâo dŭm êbâo kčok kphê amâo mâo mă prăk čiăng bi hdơr kơ mnuih ƀuôn sang leh anăn phung tuê êjai hriê ti ƀuôn prŏng Ƀuôn Ama Thuôt, čar Dak Lak hlăm wưng anei. Hluê si Trần Đức Nhật, k’iăng khua bruă sang čư êa ƀuôn prŏng Ƀuôn Ama Thuôt, čar Dak Lak, leh klei tŭ jing mơ̆ng hdră mñăm kphê amâo mâo mă prăk hlăm Knăm mơak kphê Ƀuôn Ama Thuôt gưl tal 8 thŭn 2023, ƀuôn prŏng Ƀuôn Ama Thuôt bi klă ruah hruê 10/3 grăp thŭn čiăng ngă bruă mnăm êa kphê amâo mâo mă prăk.

Thŭn anei, hdră anei mkŏ mjing ti 3 bĭt anôk jing Chợ phiên @ Ƀuôn Ama Thuôt, Wăl tač hruê 10-3 leh anăn êlan dlăng hră Ƀuôn Ama Thuôt, hlăm dua hruê mơ̆ng 9-10/3. Êngao kơnăn, ƀuôn prŏng ăt ngă hdră mnăm kphê amâo mâo mă prăk ti dŭm ƀuôn hgŭm, să ƀiă êdi sa hruê ti hruê 10/3.