Hlăm ai êwa mgei ai tiê, phung bi ala leh anăn phung tuê dưi hmư̆ 12 klei mmuñ hŏng mta mdê mdê. Hlăm ênoh anei, mâo lu klei mmuñ bi mni kơ klei khăp kơ êa ksĭ, plao ksĭ, klei bi hgŭm msĕ si: Mơĭt ayŏng kơ krĭng knông lăn, mah jiăng dôk ti Gạc Ma, Ênai kwang lă lar Truông Bồn, Dưi mơ̆ brei anak hea, Klei ênguôt hlăm hjan.

Đa đa klei mmuñ bi êdah klei khăp hŏng ƀuôn sang, lăn čar leh anăn klei siam anôk pô čih dôk hdĭp, ngă bruă msĕ si: Ô! Kphê Ƀuôn Ama Thuôt, Bŭng adei gui, Mmông tlam Krông Bông, Mmông Drei nao. Anei jing dŭm klei mmuñ mrâo mơ̆ng 2 čô čih klei mmuñ Châu Phan leh anăn Dương Tấn Bình. Hlăm hdră, phung čih ăt blŭ hrăm, mjĕ êrô, hưn mthâo hŏng phung tuê kơ klei čih mčeh, mphŭn mâo dŭm klei mmuñ.