Klă klơ̆ng, adŭ mtô klei khan mâo 20 čô mnuih djuê ana Êđê dôk ti să Ea Tul nao hgŭm. Adŭ hriăm klei duê mâo 25 čô mnuih Êđê ti să Čuôr Dăng nao hgŭm. Hlăm wang 2 mlang, phung thâo mbruă srăng mtô, mkăp brei klei hriăm kơ klei yăl dliê khan, klei duê, mmŭñ khan, klei mmuñ ênhiang mơ̆ng mnuih Êđê.

Hưn mdah kơ đa đa klei khan, klei mmuñ yua klei duê dôk djă pioh leh anăn ba yua truh kơ ară anei. mbĭt hŏng anăn, knơ̆ng bruă dhar kreh, mjuăt asei mlei leh anăn hiu čhưn ênguê lŏ mđup brei rĭng čing leh anăn kdrăp čŭt hơô djuê ana Êđê kơ đa đa ƀuôn hlăm 2 să. Ngă bruă tui duah leh anăn čih mkra, ba mdah hdruôm hră klei duê čiăng kriê pioh, bi lar boh tŭ dhar kreh hlăm dŭm thŭn kơ anăp.