Nao ti knăm anei, êpul bi lông čar Dak Lak mâo 150 čô mjuăt bi hriăm, pô bi lông nao bi lông ti 14/43 klei bi lông. Boh tŭ, êpul mâo 13 medai êa mah, 9 medai êa prăk lehanăn 15 medai êa kông. Năng mđing, mâo 2 čô bi lông mâo mă boh tŭ kdlưn hĭn êdi ti klei bi lông pŭ pua, klei bi lông ktŭng klei mâo mă klei pah mni mrô sa kluôm êpul lehanăn dôk tal 20/65 čar, ƀuôn prŏng kluôm ala.

Ti knăm anei, Võ Văn Cảnh – K’iăng khua anôk bruă sang čư̆ êa čar Dak Lak h’êč hmưi kơ êopul hgao leh klei dleh dlan, lông dlăng hlăm wưng bluh mâo klei ruă Covid 19, ba wĭt leh boh tŭ hlăm klei bi lông. Ƀri gưl anei, Anôk bruă sang čư̆ êa čar Dak Lak jao leh hră pah mni kơ 13 čô bi hriăm mjuăt, 36 čô bi lông mâo boh tŭ êdah kdlưn hlăm Klei bi lông mjuăt ktang asei mlei kluôm ala tal 9 thŭn 2022 leh êgao./.