Čiăng msir mgaih klei êdu kƀah dôk mâo, mkŏ jing hdră kčah grăp thŭn leh anăn sui čiăng iêô jak mnuih ƀuôn sang nao kƀĭn ti sang dhar kreh êpul êya - anei jing dŭm mta phŭn hlăm Klei bi kƀĭn ksiêm wĭt 3 thŭn hlue ngă Hdră mtrŭn mơ̆ng Knơ̆ng bruă sang čư̆ êa čar kơ klei mtrŭn Klei bhiăn mkŏ mjing leh anăn ngă bruă mơ̆ng Sang dhar kreh êpul êya, kyua Knơ̆ng bruă sang čư̆ êa čar Dak Lak mkŏ mjing aguah 16/12.

Hlue si H’Yim Kđoh, K’iăng Khua Knơ̆ng bruă sang čư̆ êa čar Dak Lak, čiăng mđĭ klei tŭ dưn ngă bruă mơ̆ng dŭm boh sang dhar kreh êpul êya, Knơ̆ng bruă sang čư̆ êa gưl kdriêk leh anăn să brei hlue ngă jăk Klei bhiăn mkŏ mjing leh anăn ngă bruă; mđĭng dlăng dăp prăk knŭk kna čiăng ngă dŭm boh phŭn dưi kčah hlăm Klei bhiăn. Dŭm alŭ wăl ăt brei mâo hdră kčah ngă bruă grăp thŭn leh anăn sui čiăng iêô jak mnuih ƀuôn sang nao kƀĭn, H’Yim ăt mtă kơ Knơ̆ng bruă dhar kreh - mjuăt ktang asei mlei leh anăn hiu čhưn êngue elŏ dơ̆ng ksiêm dlăng, čih anăn leh anăn mâo hdră ngă djŏ guôp čiăng rơ̆ng jih jang alŭ ƀuôn  mâo sơăi sang dhar kreh êpul êya, ngă bruă tŭ dưn.