Dak Lak: Knăm mơak êlan dơ̆ng - êa mil dhar kreh jăk siam hlăm Knăm mơak kphê Ƀuôn Ama Thuôt
Thứ bảy, 09:16, 11/03/2023
VOV Tây Nguyên
VOV Tây Nguyên
VOV4.Êđê- Hŏng akŏ “Ƀuôn Ama Thuôt - Anôk bi kƀĭn 3 bruă dhar kreh kphê dlông rŏng lăn”, hdră Knăm mơak hlăm êlan dơ̆ng hlăm jar Knăm mơak kphê Ƀuôn Ama Thuôt tal 8 thŭn 2023 mkŏ mjing tlam mbruê 10-3, ti êlan ktlah năm Ƀuôn Ama Thuôt, ba leh kơ mnuih ƀuôn sang sa klei jăk siam.
Hdră knăm mơak êlan dơ̆ng mâo 3 kdrêč: Klei bhiăn mphŭn pŏk, êbat leh anăn ngă bruă mjĕ êrô.
Mơ̆ng djăp hdră, êpul atăt leh mnuih dlăng kơ klei dhar kreh mơ̆ng krĭng lăn, anak mnuih Lăn Dap Kngư leh anăn Dak Lak; mpŭ kơ ênoh yuôm kphê, phung pla mjing, mkra mjing leh anăn mnia blei kphê.
Võ Văn Cảnh, K’iăng Khua Knơ̆ng bruă sang čư̆ êa čar Dak Lak mñă klă: Knăm mơak hlăm êlan dơ̆ng dưi mkŏ mjing hŏng klei čang hmăng ba klei jăk siam kơ dhar kreh krĭng lăn, anak mnuih Lăn Dap Kngư leh anăn Dak Lak, siă suôr leh anăn khăp kơ tuê, kñăm mpŭ kơ asăr kphê, phung pla mjing, mkra mjing, mnia blei kphê.
Viết bình luận