Dak Lak ksiêm dlăng gru hmô “Ƀuôn hiu čhưn ênguê thŭn 2025”
Thứ sáu, 10:55, 19/12/2025
Pô mblang: H’Nêč Êñuôl
Pô mblang: H’Nêč Êñuôl
VOV.Êđê - Hruê 18/12, ti Lạng Sơn, Êpul mă bruă Knơ̆ng bruă Dhar kreh, Mjuăt ktang asei mlei lehanăn Hiu čhưn ênguê čar Dak Lak mă bruă hŏng Knơ̆ng bruă Dhar kreh, Mjuăt ktang asei mlei lehanăn Hiu čhưn ênguê čar Lạng Sơn kñăm bi trông klei thâo hlăm hdră kriê dlăng knŭk kna lehanăn mđĭ kyar bruă hiu čhưn ênguê êpul êya hluê hdră hơĭt kjăp.
Ti anôk mă bruă, 2 êpul bi trông klei thâo hlăm hdră mđĭ kyar bruă hiu čhưn ênguê, djŏ tuôm klei thâo hlăm hdră ngă bruă hiu čhưn ênguê êpul êya, kah mbha boh tŭ dưn bi knar, klă mngač; klei bhiăn, hdră mtrŭn đru kơ mnuih ƀuôn sang ngă bruă hiu čhưn ênguê, ăt msĕ mơh hdră kriê dlăng bruă hiu čhưn ênguê hlăm bruă mtrŭt mđĭ klei ngă hră mơar lehanăn ñu kma tar rŏng lăn.
Hluê si Lê Phúc Long, kơiăng khua knơ̆ng bruă Dhar kreh, mjuăt ktang asei mlei lehanăn hiu čhưn ênguê Dak Lak, hlăm hdră mă bruă, êpul ăt ksiêm dlăng lu gru hmô bruă hiu čhưn ênguê kwar Dưr. Mơ̆ng anăn, tui hdră êlan mlih mrâo hlăm bruă mđĭ kyar hdră hiu čhưn ênguê, mđĭ boh tŭ kriê dlăng, ƀrư̆ bi leh hdră êlan mđĭ kyar bruă hiu čhưn ênguê ti alŭ wăl.
Viết bình luận