Yap truh ară anei, mâo leh giăm 30 rĭng čing, êbeh 430 kdrăp djuê ana dưi mkăp kơ dŭm alŭ ƀuôn kriê pioh leh anăn mđĭ lar čing čhar ti Dak Lak. Hlue anăn, thŭn anei Knơ̆ng bruă mkăp leh 8 rĭng čing knah Êđê leh anăn giăm 130 kdrăp čŭt hơô djuê ana Êđê kơ dŭm êpul tông čing, êpul kdŏ mmuiñ ti 9 ƀuôn, 1 sang hră gưl 3 knŭk kna rông ba leh anăn 1 êpul kdŏ mmuiñ gưl să hlăm 7 kdriêk, wăl krah ti čar Dak Lak. 

Anei jing thŭn tal 4 Knơ̆ng bruă dhar kreh - mjuăt asei mlei leh anăn hiu čhưn ênguê Dak Lak pŏk ngă hdră anei. Boh nik hlăm thŭn anei, mbĭt hŏng klei găl ti čar lŏ mâo ênoh mkăp mơ̆ng Anôk bruă nbi hgŭm čar Jeollabuk, Dhŭng Korea hlue si boh phŭn hdră bruă đru hdră mnêč kriê pioh leh anăn mđĭ lar mnơ̆ng kriê pioh dhar kreh amâo êdah klă ti Dak Lak.