Hlăm “Hruê kăm hriăm hră jih klei hdĭp”, dŭm alŭ wăl, anôk bruă kƀĭn pŏk ngă bruă ngă msĕ si: hâo hưn, mtô mblang kơ hnơ̆ng yuôm bhăn leh anăn bruă klam bruă mđĭ kyar dhar kreh hriăm, mđĭ bruă hriăm hră jih klei hdĭp, mkŏ mjing knăm mơak rang mdah hdruôm hră mrâo, mjing anôk bi tuôm phung čih leh anăn phung dlăng hră; mkŏ mjing êpul dlăng hră klei mrâo hlue si akŏ, gưl thŭn; mkŏ mjing klei bi lông čih kač, yăl dliê mơ̆ng hdruôm hră, klei mrâo…

Hlăm knăm pŏk ngă, Anôk bruă mkŏ mjing mđup brei leh 6 klei hâo hưn hruê kăm mđing kơ klei hriăm hră jih klei hdĭp 2024 kơ dŭm alŭ wăl, anôk bruă, êpul hgŭm, anôk mtô bi hriăm. Dŭm anôk bruă mđup brei leh 200 hdruôm hră; 50 êbâo čô mŭt hlăm sang dlăng hră mrô; mđup brei hnư prăk hriăm hră, mđup brei hlăm keh mtrŭt mjhar hriăm hră čar.