Klei bi kƀĭn lu ala čar kơ bruă ƀăng k’ưp čư̆ pui tal 20 thŭn anei mâo tŭ mă 28 klei hưn mdah kreh knhâo hŏng lu klei hâo hưn yuôm kơ čư̆ pui lehanăn ƀăng k’ưp mơ̆ng lu krĭng tar rŏng lăn, đru mguôp hlăm hdră mđĭ kyar kluôm mơ̆ng Dhar bruă ksiêm dlăng ƀăng k’ưp čư̆ pui tar rŏng lăn.

Klei kƀĭn trông kreh knhâo “15 thŭn đĭ kyar Wăl anôk ƀăng k’ưp, čư̆ pui ti Việt Nam” ăt tŭ mă 15 klei čih hlak mblang mơ̆ng phung bi ala mơ̆ng Anôk bruă ƀăng k’ưp, čư̆ pui tar rŏng lăn, Anôk bruă ƀăng k’ưp, čư̆ pui krĭng Asi – Pacifĭk lehanăn dŭm ala čar Japon, Dhŭng Korea…

Hưn mdah dŭm boh tŭ, klei bhiăn mơ̆ng Anôk bruă ƀăng k’ưp, čư̆ pui ti Việt Nam msĕ si Wăl anôk mta lăn ƀăng k’ưp krĭng lăn dlông boh tâo Đồng Văn - Hà Giang, Wăl anôk ƀăng k’ưp tar rŏng lăn Non nước Cao Bằng, Wăl anôk mta lăn Lạng Sơn. Klei kƀĭn dlăng leh knăm bi mklă Hră bi hdơr hgŭm bruă plah wah Wăl anôk mta lăn ƀăng k’ưp tar rŏng lăn mơ̆ng Việt Nam msĕ si Wăl anôk mta lăn ƀăng k’ưp tar rŏng lăn UNESCO Dak Nông, Wăl anôk mta lăn krĭng lăn dlông boh tâo Đồng Văn - Hà Giang, Wăl anôk ƀăng k’ưp tar rŏng lăn Non nước Cao Bằng hŏng Wăl anôk mta lăn ƀăng k’ưp tar rŏng lăn UNESCO Mudeungsan (Dhŭng Korea)./.