Ba hdruôm hră mơar truh kơ kngan hđeh hriăm hră krĭng taih kbưi, jing sa mta bruă ngă yuôm bhăn êdi mơ̆ng Anôk hgŭm bruă klei yăl dliê Daklak, sa ai hŏng hrue hdruôm hră lehanăn dhar kreh dlăng hră thŭn anei.     

Niê Thanh Mai, Khua êpul hgŭm lač, mâo klei dưi mơ̆ng Êpul hgŭm phung čih klei yăl dliê Việt Nam, Êpul hgŭm klei yăl dliê Daklak mâo mđup brei leh dŭm êtuh pŏk hdruôm hră dlăng dôk hlăm hdră “Mđup brei hdruôm hră dlăng kơ hđeh êlăk krĭng taih kbưi” lehanăn mkŏ mjing klei bi mguôp hŏng phung čih hdruôm hră. Niê Thanh Mai čang hmăng mơ̆ng klei phung hđeh mâo hdruôm hră dlăng, srăng đru kơ hđeh khăp hĭn kơ klei dlăng hră mơar, lehanăn tui duah lu klei jăk jĭn mơ̆ng hdruôm hră mơar./.