Lại Đức Đại, K'iăng khua knơ̆ng bruă dhar kreh, mjuăt ktang asei mlei lehanăn hiu čhưn ênguê Daklak brei thâo: Mơ̆ng thŭn 2019, knăm hdơr knga kơphung djiê êngiă ti sang mnă Ƀuôn Ama Thuôt jing leh anôk mkŏ mjing jêñ jêñ čiăng kơ jih jang phung knuă druh, đảng viên lehanăn phung ƀuôn sang djăp djuê ana hlăm čar bi êdah klei hdơr knga kơ ai tiê prŏng prĭn mơ̆ng phung lĭng kahan cộng sản tuôm krư̆ kđăl hlăm sang mnă anei, săn asei mlei djiê êngiă kơ nei. Anei jing anôk "hrah" čiăng kơ phung ƀuôn sang lehanăn phung tue hiu čhưn ksiêm duah kơ hƀuê ênuk.

Mơ̆ng anăn mjuăt bi hriăm kơ klei mĭn, bruă kđi čar thâo kơ knhuah gru klei krŭ kdơ̆ng mơ̆ng lĭng kahan lehanăn phung ƀuôn sang, đru mđĭ hĭn klei bi mguôp, ai tiê pưng myưng mơ̆ng djuê ana hrăm mbĭt bi rŭ mdơ̆ng ƀuôn sang knư̆ hrue knư̆ mdrŏng sah, kreh dhar./.