Hŏng ênai čing mơak hlak Ama Hloan ti ƀuôn Akŏ Dhông, ƀuôn prŏng Ƀuôn Ama Thuôt, pô mkŏ mjing klei ngă yang mâo klei iêo kwưn kơ yang adiê, lehanăn iêo jak tue hriê čhưn hơ̆k mơak thŭn jăk êa hlĭm hjan djŏ boh mnga. Mnơ̆ng pla mjing čăt đĭ. Ktơr bi bŏ hjiê, mdiê bŏ brŏng, kphê bŏ sang kƀlăl.

Thŭn anei boh mnga leh mâo hrui êmiêt, pô ngă sang ngă klei ngă yang hdơr knga kơ yang adiê, atâo atiêt, iêo jak tue êgar hriê čhưn huă mnăm hơ̆k mơak. Ama Hloan lač, knăm ngă yang anei mâo leh mơ̆ng đưm hlăm anak Êđê, leh êmŭn puôt wiă. Bi ară anei, phung ƀuôn sang pla lu kphê, tiu. Khă snăn, knăm anei ăt dôk klei tŭ dưn ñu.

Hlăm hdră mkŏ mjing, phung tue lŏ hmư̆ klei muiñ khan kơ Damsan, lehanăn tui duah knhuah gru dhar kreh kphê mơ̆ng lu ala čar mkăn dlông rŏng lăn. Anei jing sa mta bruă truh hŏng knăm mơak kphê Ƀuôn Ama Thuôt thŭn 2023, srăng mkŏ mjing ti mlan 3 thŭn 2023 kơ anăp hlăm čar Daklak./.