Mtrŭt mjhar mơ̆ng hlăk mlan 9 thŭn dih, klei bi lông video clip hŏng akŏ jing: “Yăl dliê kơ kphê Ƀuôn Ama Thuôt” jing sa hlăm dŭm bruă lač kơ knăm mơak kphê Kphê Ƀuôn Ama Thuôt tal 8 thŭn 2023. Gưl tal êlâo mâo mkŏ mjing mâo leh truh 21 video mơ̆ng 19 čô pô mkra, lehanăn ngă fim hlăm čar lehanăn êngao čar Daklak.

Tui si êpul mkŏ mjing, jih jang video ba bi lông mâo ngă hŏng klei jăk, lač djŏ kơ krĭng lăn dap kngư djŏ kơ bruă kñăm. Êpul mkŏ mjing leh mâoklei hrŏng ruah, lehanăn ngă klei pah mni kơ 7 mta video kdlưn hĭn, mâo 1 klei pah mni mrô 1,1 klei pah mni mrô 2, 1 klei pah mni mrô 3, 3 klei pah mni mđĭ ai, lehanăn 1 klei pah mni mâo phung dlăng hrŏng ruah./.