Klă klơ̆ng hlăm klei bi klă hdră mkŏ mjing Festival sâm Ngọc Linh- Kon Tum, Việt Nam (Festival sâm Ngọc Linh), bruă sang čư êa čar Kon Tum mdưm mta kñăm mkŏ mjing hdră bruă jing bruă duh mkra, mâo knhuah knăm mơak mơ̆ng krĭng lăn boh hŏng knhuah gru leh anăn knhuah dhar kreh.

Hŏng Festival sâm Ngọc Linh, čar Kon Tum hmăng hmưi mtrŭt mđĭ bruă răng mgang wăl dliê kmrơ̆ng, ngăn dŏ bruă hiu čhưn ênguê hŏng hdră djŏ guôp, mkŏ mjing boh kdrŭt duh bi liê ba dŭm mta mnơ̆ng dhơ̆ng mơ̆ng Sâm Ngọc Linh leh anăn ana êa drao mkăn jing mnơ̆ng dhơ̆ng mâo anăn knăl, mbĭt anăn mkŏ mjing dŭm mta mnơ̆ng dhơ̆ng hiu čhưn ênguê nao mbĭt hŏng Sâm Ngọc Linh. Čiăng mprăp kơ Festival sâm Ngọc Linh mkŏ mjing gưl tal êlâo ti thŭn 2024, bruă sang čư êa čar Kon Tum jao kơ Knơ̆ng bruă dhar kreh, mjuăt asei mlei leh anăn hiu čhưn ênguê gĭt gai, bi mguôp hŏng dŭm anôk bruă, alŭ wăl djŏ tuôm čiăng bi leh bruă mkŏ mjing hdră êlan klă klơ̆ng čiăng hluê ngă êlâo kơ hruê 20/10/2023.