Hlăm êpul 14 čô mbruă nao ti Dhŭng Korea tal anei, Rcom Bus, kkiêng thŭn 2002, ti Pleiku Roh, ƀuôn hgŭm Yên Đổ, ƀuôn prŏng Pleiku jing mnuih mda asei hĭn. Ñu brei thâo, ñu srăng nao hgŭm păt čiăng jih 7 hdră kdŏ mmuñ sui truh 40 mnĭt. Anăn jing 2 klei tông čing lehanăn dŭm hdră tông ayŭ, teh gông, kơ ni, ayŭ ki, mmuñ ênhiang djuê ana.

Rcom Bus brei thâo, dŭm ênhiang anei jăk hmư̆, m’ak hlak, hưn mthâo kơ ƀĭng găp tar rŏng lăn thâo kơ knhuah dhar kreh jăk siam lehanăn klei hdĭp h’ĭt ênang mơ̆ng mnuih ƀuôn sang dŭm djuê ana ti lăn dap kngư.  Knăm anei pŏk hlăm hruê 15/9 truh kơ jih hruê 24/9 ti Anôk bruă rang mdah Sori, čar Jeonbuk, Dhŭng Korea. Anei jing gưl tal êlâo kdrăp tông ayŭ lehanăn ênhiang mmuñ mơ̆ng mnuih Jarai dưi hưn mthâo truh kơ Dhŭng Korea./.