Knăm mơak “Klei jăk čư̆ čhiăng – êa ksĭ bi kƀĭn” srăng pŏk hlăm mlam hruê 29/8 ti wăl tač Nguyễn Tất Thành (ƀuôn hgŭm Quy Nhơn), mbĭt hŏng klei mnah phao briêng hnơ̆ng đŭt hlăk 9 mmông krah mlam. Mlam hruê 2/9, ti wăl tač Đại Đoàn Kết (ƀuôn hgŭm Pleiku) srăng mnah phao briêng leh klei kdŏ mmuñ.

Mơ̆ng hruê 29/8 - 2/9, ƀuôn hgŭm Quy Nhơn srăng jing wăl anôk hơ̆k mơak hŏng dŭm knăm mơak pui mngač, hruê knăm dhar kreh  kphê leh anăn čĭng čhar Lăn Dap Kngư, knăm huă ƀơ̆ng nao mbĭt hŏng hưn mdah mnơ̆ng dhơ̆ng OCOP leh anăn ƀuôn mă bruă đưm. Ti wăl tač Chiến Thắng srăng mâo hdră kdŏ mmuñ knhuah gru, knăm mơak êlan klông mbĭt hŏng dŭm mta bruă mkăn.