Ti anei mâo truh 25 knưng mnơ̆ng, hưn mdah kơ phung phung tue dŭm knhuah gru dhar kreh mnơ̆ng ƀơ̆ng kơ mdê bi krĭng kwar, mâo dŭm klei kdŏ muiñ, jăk mơak. Jih jang klei rang mdah mnơ̆ng ƀơng mơ̆ng dŭmkrĭng kwar hlăm lăn dap kngư msĕ si mnŭ ăm, điŏ brông, trŏng phĭ, djam hla hbei ƀlang... lehanăn mnơ̆ng ƀơ̆ng hlăm êlan klông mâo bên beo, ƀêñ knga kuih, ƀêñ kpŭng braih đng hla mtei mơ̆ng Huế, tuôr abao mkra hlue knhuah Thailand rang mdah kơ tue ƀơ̆ng.

Hruê kăm mnơ̆ng ƀơ̆ng lŏ dơ̆ng mâo dŭm mta mnơ̆ng rang mdah msĕ si kpŭng kphê, tiu, boh măkka, asăr kñul leh bi mthu, čĭm êmô krô, mâo leh lu phung tue lông nao ƀơ̆ng./.