Phŭn bruă dhar kreh, mjuăt asei mlei lehanăn hiu čhưn ênguê mâo leh hdră mtrŭn hlue ngă klei klah čŭn mơ̆ng khua gĭt gai Đảng ti anôk bi kƀĭn dhar kreh kluôm ala lehanăn hdră êlan mđĭ kyar dhar kreh truh thŭn 2030. Êpul bruă kiă kriê klei hâo hưn Gưl dlông kiă kriê mkŏ mjing klei trông čhai gưl ala čar “Klei tŭ dưn kơ ala čar, klei tŭ dưn kơ dhar kreh, klei tŭ dưn kơ gŏ sang, lehanăn ênoh čuăn anak mnuih Việt Nam hlăm wưng ênuk mrâo”. Lu čar, ƀuôn prŏng hlăm kluôm ala mâo mtrŭn leh dŭm hdră mtrŭn hlue ngă klei klah čŭn mơ̆ng khua gĭt gai Đảng Nguyễn Phú Trọng ti anôk bi kƀĭn kơ dhar kreh kluôm ala. Hà Tĩnh jing čar tal êlâo mkŏ mjing dhar kreh ti hnơ̆ng kluôm čar hlue nga klei klah čun kơ hdră mtrŭn dhar kreh kluôm ala 2021. 

Ti Klei kƀĭn trông bruă Dhar kreh 2022 hŏng anăn “Klei bhiăn, hdră mtrŭn lehanăn ai dưi, klei mâo kơ hdră mđĭ kyar bruă dhar kreh”. Blŭ ti knăm anei, Khua Êpul hgŭm bruă Djuê ana Y Thanh Hà Niê Kdăm brei thâo, Việt Nam jing sa ala čar mâo lu djuê ana hŏng 53 djuê ana ayŏng adei, grăp djuê ana mâo klei bhiăn, knhuah hdĭp, dhar kreh mdê hjăn. Klei anei mjing leh kơ Việt Nam jing ala čar mâo sa knhuah dhar kreh lu jơr, jăk siam. Kyua anăn, bruă kriê pioh, mđĭ lar dhar kreh êpul êya mnuih djuê ƀiă kñăm rơ̆ng klei lu jơr, bi knar lehanăn h’ĭt kjăp hlăm hdră mđĭ klyar bruă duh mkra – ala ƀuôn mơ̆ng lăn čar, mâo Đảng, Knŭk kna mđing hluê ngă. Bruă kriê pioh, mđĭ lar boh tŭ dhar kreh mnuih djuê ƀiă ƀrư̆ hruê jing bruă mjêč hlăk klei bi mjĕ, ñŭ kma dôk đĭ pral. Mbĭt hŏng bruă anei snăn hdră bi mguôp kjăp hlăm bruă kriê pioh, mđĭ lar boh tŭ dhar kreh mnuih djuê ƀiă hŏng dŭm hdră bruă, hdră mtrŭn mđĭ kyar bruă duh mkra – ala ƀuôn krĭng mnuih djuê ƀiă, krĭng čư̆ čhiăng brei mđing hluê ngă./.