Hluê anăn, Hruê hdruôm hră lehanăn dhar kreh dlăng hră ti Dak Nông thŭn anei dưi mkŏ mjing ti hnơ̆ng gưl čar kñăm mđing truh kơ Hruê hdruôm hră lehanăn dhar kreh dlăng hră Việt Nam 21/4, kkuh m’ak knăm bi hdơr 120 thŭn hruê mkŏ mjing čar Dak Nông, 1/1, bi hdơr 49 thŭn Hruê mâo klei êngiê Gia Nghĩa – Dak Nông (23/3).

Ti ƀuôn prŏng Gia Nghĩa, mơ̆ng hruê 13 - 15/3, Hruê m’ak srăng mkŏ mjing dŭm pluh hdră bruă, mâo rang mdah êbeh 15 êbâo hdruôm hră, hưn mthâo dŭm kdrăp đru mđĭ kyar dhar kreh dlăng hră, hdră mrâo mkăp kơ bruă mjuăt bi hriăm, dlăng hră, bruă mlih mrô hlăm hdră bruă sang dlăng hră, mjĕ mjuk hŏng phung čih hră, êpul čih hră mda asei lehanăn mjĕ mjuk êpul kdŏ mmuñ hluê knhuah mrâo mơ̆ng dŭm anôk bruă mtô bi hriăm. Hluê si Hoàng Mạnh Thắng, K’iăng khua knơ̆ng bruă Hâo hưn – mtô mblang Dak Nông, klei hrăm mbĭt lehanăn đru mơ̆ng 22 êpul, Hruê hdruôm hră lehanăn dhar kreh dlăng hră thŭn anei klă sĭt jing hruê m’ak mơ̆ng alŭwăl./.