Kñăm kriê pioh, mđĭ lar klei jăk siam, ênoh yuôm kdrăp djuê ana mơ̆ng mnuih djuê ƀiă krĭng Lăn Dap Kngư, hlăm 2 hruê 29 leh anăn 30/10, ti wăl krah Măng Đen, kdriêk Kon Plông, čar Kon Tum srăng mkŏ mjing Hdră rang mdah ao dai leh anăn kdrăp čŭt hơô Lăn Dap Kngư kyua Knơ̆ng bruă sang čư̆ êa kdriêk Kon Plông bi hgŭm hŏng pô tă kčoh Minh Hạnh mkŏ mjing.

Hdră rang mdah ao dai leh anăn kdrăp djuê ana Lăn Dap Kngư srăng dưi mkŏ mjing ti dua anôk jing drai Pa Sỹ leh anăn hlăm dliê hngô djiêu êlan Hùng Vương, wăl krah Măng Đen, kdriêk Kon Plong, čar Kon Tum.

 Nao hlăm klei rang mdah mâo 100 čô mdah amâo thơ̆ng jing mnuih djuê ƀiă leh anăn 40 čô kdŏ mmuiñ. Jih jang 200 blah ao dai, kdrăp djuê ana mâo pô thâo mbruă mñam hŏng mrai Bảo Lộc hŏng klei jăk siam, djŏ hŏng kdrăp čŭt hơô ară anei.

Anei jing sa hlăm lu bruă ngă mđing truh 110 thŭn mkŏ mjing čar Kon Tum (9/2/1913- 9/2/2023) hŏng klei čang hmăng ba klei jăk siam kơ kdrăp djuê ana, mđĭ kyar bruă pơ̆k mñam./.