Hruê m’ak Dhar kreh, Mjuăt ktang asei mlei lehanăn Hiu čhưn ênguê dŭm djuê ana krĭng Lăn dap kngư tal 1 mkŏ mjing ti čar Kon Tum
Thứ ba, 10:07, 17/10/2023
VOV Tây Nguyên
VOV Tây Nguyên
VOV4.Êđê- Tlam mbruê (16/10), ti ƀuôn prŏng Kon Tum, čar Kon Tum, Anôk bruă mkŏ mjing Hruê m’ak Dhar kreh, Mjuăt ktang asei mlei lehanăn Hiu čhưn ênguê dŭm djuê ana krĭng Lăn dap kngư tal 1 thŭn 2023 mkŏ mjing leh Klei bi kƀĭn ksiêm dlăng boh tŭ hdră mprăp lehanăn dŭm bruă klam hlăm hruê m’ak anei.
Hŏng mta kñăm mpŭ mni kơ dŭm boh tŭ yuôm dhar kreh djuê ana jăk siam mơ̆ng đưm mơ̆ng mnuih djuê ana ƀiă ti krĭng Lăn dap kngư, hưn mthâo mtrŭt mđĭ bruă hiu čhưn ênguê, Hruê m’ak anei srăng mkŏ mjing hlăm 3 hruê, mơ̆ng hruê 29/11 truh kơ hruê 1/12 ti ƀuôn prŏng Kon Tum, čar Kon Tum, mâo hlăm brô 1 êbâo čô mbruă, mnuih ƀuôn sang dŭm djuê ana dôk hdĭp ti 5 čar Lăn dap kngư.
Hŏng akŏ: Liă lia Lăn dap kngư – Klei jăk siam bi mƀĭn”, Hruê m’ak anei srăng mkŏ mjing lu hdră bruă. Mbĭt hŏng kdrêč knăm m’ak, hruê anei lŏ mâo dŭm hdră dhar kreh, mjuăt ktang asei mlei lehanăn hiu čhưn ênguê./.
Viết bình luận