Ƀuôn akŏ Dhông jing ƀuôn mơ̆ng mnuih Êđê dưi mkŏ mjing mâo hŏng anei mâo 60 thŭn. Anei dưi dlăng jing ƀuôn sang mnuih Êđê mdrŏng siam hĭn ti čar Dak Lak hŏng lu boh sang krum, lu ana kyâo mtah leh anăn mnga. Mnuih ƀuôn sang tinei dôk djă pioh klei tông čing, kdrăp pĕ tông djuê ana, dŭm mta bruă mă đưm.

Hluê ngă hdră mtrŭn mơ̆ng Êpul gơ̆ng bruă ƀuôn sang čar Dak Lak, hlăm wưng êgao, ngăn prăk alŭ wăl bi liê leh giăm 1 êklai prăk đru kơ ƀuôn Akŏ Dhông bi leh dŭm bruă mkŏ mkra msĕ si sang dưm êdeh, sang tlô yang ƀuôn, pŏk mdhă ktrâo anôk…Mkŏ mjing êpul kriê dlăng bruă hiu čhưn ênguê yang ƀuôn  leh anăn pŏk dŭm mdŭ mtô mjuăt bi hriăm kơ bruă hiu čhưn ênguê yang ƀuôn kơ mnuih ƀuôn sang hlăm ƀuôn. Truh kơ ară anei, Ƀuôn akŏ Dhông dưi rơ̆ng dŭm klei găl kơ mnơ̆ng yua leh anăn ai dưi đru kơ phung tuê hiu čhưn ênguê hlăm leh anăn êngao ala čar.