Klei rang mdah hưn mthâo kơ mnuih ƀuôn sang êbeh 100 pŏk rup kơ dŭm hdră, bruă ngă klă sĭt leh anăn mđing kơ Festival mnga Đà Lạt  mơ̆ng 8 gưl mkŏ mjing. Hluê anăn, mơ̆ng “Knăm mơak lu mnga” dưi mkŏ mjing hlăm thŭn 2004, truh thŭn 2005, Đà Lạt klă sĭt mkŏ mjing Festival mnga tal 1 mâo akŏ “Đà Lạt anôk nao mâo lu mnga”.

Yap mơ̆ng anăn 2 thŭn sa blư̆, Đà Lạt - Lâm Đồng mđĭ lar bruă mkŏ mjing Festival mnga. Festival mnga Đà Lạt tal 9 anei, kyua hmăi mơ̆ng Covid-19, hrô kơ mkŏ mjing hlăm thŭn dih snăn truh thŭn anei kơh mrâo mkŏ mjing.

Êngao kơ klei rang mdah rup “Đà Lạt mơ̆ng 8 gưl Festival Mnga”, ti anôk rang mdag, Êpul hgŭm čih mčeh kdŏ mmuiñ Lâm Đồng ăt hgŭm rang mdah, hưn mthâo 130 pŏk rup, rup krah hŏng kyâo kơ klei jăk siam dhar kreh, anak mnuih, anôk mdah rup jăk siam mâo akŏ “Đà Lạt kâo khăp”./.