Klei bi lông mâo 79 êpul hŏng 158 čô bi lông, 1 êpul mơ̆ng lăn čar tač, nao hgŭm hŏng lu mta êdeh leh anăn anôk mkra êdeh. Hŏng ênoh pah mni klei bi lông êbeh 500 êklăk prăk, klei bi lông mbha lu gưl bi lông: klei bi lông knưp, mđĭ hnơ̆ng leh anăn thơ̆ng. Klei bi lông mkŏ mjing ti ƀuôn prŏng Gia Nghĩa leh anăn ti wăl dliê Nâm Nung, să Nâm Nung, kdriêk Đăk Song.
Êpul mkŏ mjing mkra leh 25 êlan bi lông leh anăn dŭm anôk kơ phung nao dlăng Hồ Anh Tuấn,, k’iăng khua kiă kriê êpil mgăt êdeh đĭ čư̆ Sài Gòn, khua êpul mkŏ mjing klei bi lông brei thâo, klei bi lông čiăng mkŏ mjing hdră mjuăt asei mlei ôtô jăk găl hlăm lăn čar. Klei bi lông amâodjŏ knŏng ba klei ktuê dlăng jăk kơ phung khăp kơ klei hmar, ƀiădah anei lŏ jing klei găl bi râo klei găl bruă hiu čhưn ênguê mơ̆ng čar Dak Nông.
Viết bình luận