Kčưm pŏk anôk kač rup phung lĭng kahan ti Đà Lạt
Thứ ba, 08:03, 18/04/2023
VOV Tây Nguyên
VOV Tây Nguyên
VOV4.Êđê- Aguah mbruê 17/4, ti Đà Lạt, čar Lâm Đồng, Sang kriê pioh hƀuê ênuk kčưm pŏk anôk kač rup phung lĭng kahan – klei bi blah cách mạng thŭn 2023.
Nao hlăm anôk anei mâo 16 čô kač rup, jing phung hgŭm hlăm Êpul kač rup Việt Nam. Mta phŭn dŭm rup kač anăn jing ai tiê khăp kơ ala čar, klei mĭn răng mgang klei dưi kiă kriê, kluôm ênŭm ala čar, bi êdah dŭm bruă ngă mơ̆ng phung lĭng kahan hlăm wưng mrâo hlăm djăp mta bruă…
Hluê si Đại tá Đinh Xuân Hòa, k’iăng khua kiă kriê sang kriê pioh hbuê ênuk Bruă lĭng kahan Việt Nam, anei jing bruă tŭ dưn leh anăn yuôm bhăn, đru hâo hưn dŭm klei đru mguôp mơ̆ng Đảng, jih jang mnuih ƀuôn sang, lĭng kahan drei hlăm bruă mkŏ mjing leh anăn mđĭ kyar ala čar, mkŏ mjing lĭng kahan kjăp ktang kơ bruă kđĭ čar. Anôk kač rup anei mĭn tĭng srăng truh kơ jih hruê 28/4 kơ anăp.
Viết bình luận