Hdră anei mơ̆ng klei mâo phung bi ala mnuih ƀuôn sang gĭt gai, bi mguôp mkŏ mjing ƀri wưng bi hdơr 78 thŭn hruê krŭ kdơ̆ng mlan 8 leh anăn hruê mkŏ mjing lăn čar 2/9, mđĭng truh bi hdơr 35 thŭn mkŏ mjing Klei mrâo phung bi ala mnuih ƀuôn sang hruê 5/10.

Blŭ pŏk klei kƀĭn, Khua čih mkra Klei mrâo Phung bi ala mnuih ƀuôn sang Phạm Thị Thanh Huyền mñă klă, klei tŭ jing mơ̆ng klei krŭ kdơ̆ng mlan 8 thŭn 1945 leh anăn klei kkiêng mơ̆ng lăn čar yang ƀuôn ngă phŭn Việt Nam jing gru kruăk yuôm bhăn hlăm hƀuê ênuk hing ang mơ̆ng djuê ana, ba lăn čar nao hlăm wưng mrâo, wưng klei êngiê nao mbĭt hŏng yang ƀuôn ngă phŭn, atăt ba mnuih ƀuôn sang mơ̆ng klei jing hlŭ nao ti knưng bruă kđi čar ngă phŭn mĭl pô. Hdră kdŏ mmuñ “Mđiă Ba Đình” đru lŏ mkŏ wĭt ai êwa dŭm thŭn mlan amâo mâo dưi wơr, bi mni kơ ƀuôn sang lăn čar, bi mni kơ Đảng, knŭk kna, bi mni kơ dŭm klei dưi mơ̆ng mnuih ƀuôn sang drei, kyua Việt Nam mdrŏng ktang.