Khua knŭk kna bi mklă Việt Nam srăng bi hgŭm kjăp, mjing klei găl leh anăn đru Khua bi ala bi leh jăk bruă klam, đru mđĭ klei bi hgŭm plah wah dua ala čar đĭ kyar ƀrư̆ hruê ƀrư̆ jăk, kluôm ênŭm, tŭ dưn.

 Khua knŭk kna mtă hlăm wưng pô, Khua bi ala kƀĭn bi hgŭm hŏng dŭm anôk bruă djŏ tuôm mơ̆ng Việt Nam leh anăn Brunei lŏ dơ̆ng mđĭ klei bi trông gưl dlông leh anăn dŭm gưl, bi hgŭm hlăm dŭm klei bi kƀĭn lu tĭng, khăng ktuê dlăng leh anăn pŏk ngă tŭ  dưn klei kuôl kă mơ̆ng Khua gĭt gai gưl dlông; bi hgŭm pŏk ngă tŭ dưn Hdră ngă bruă Klei bi hgŭm kluôm Việt Nam-Brunei wưng 2023-2027, kƀĭn hlăm 4 mta bruă yuôm bhăn mâo êa pui, êa drao, mkra mjing mnơ̆ng ƀơ̆ng Halal, hiu čhưn ênguê leh anăn mjĕ êrô mnuih ƀuôn sang./.