Hruê m’ak mâo anăn “Bạc Liêu bi hgŭm knhuah gru jăk siam lehanăn klei čang hmăng đĭ kyar” mâo 14 hdră bruă, mâo klei hgŭm mơ̆ng 25 čar, ƀuôn prŏng kluôm ala.

Klei êdah êdi mơ̆ng hruê m’ak jing klei bi mguôp kjăp plah wqah dhar kreh hŏng hiu čhưn ênguê, mpŭ mni kơ knhuah yuôm Dạ cổ hoài lang mơ̆ng Ayang nhạc sĩ Cao Văn Lầu čih mčeh sui hŏng anei 100 thŭn, čiăng kriê pioh lehanăn lar bra Nghệ thuật Đờn ca tài tử kwar Dhŭng mâo leh UNESCO mpŭ mni jing knhuah dhar kreh amâo êdah klă mơ̆ng anak mnuih tar rŏng lăn. Blŭ ti knăm pŏk, K’iăng khua knŭk kna lač: Hruê m’ak dhar kreh – hiu čhưn ênguê Bạc Liêu lehanăn Knăm Dạ cổ hoài lang thŭn 2022 jing hdră bruă klă sĭt kñăm hluê ngă Kleiklah čŭn mơ̆ng Khua gĭt gai Đảng Nguyễn Phú Trọng ti Klei bi kƀĭn bruă Dhar kreh kluôm ala mkŏ mjing sui hŏng anei 1 thŭn, mđing truh bruă kriê pioh, mđĭ lar knhuah gru dhar kreh, mkŏ mjing bruă dhar kreh mrâo mrang, jiă knhuah djuê ana./.