Hlue si klei hưn mdah mơ̆ng Anôk bruă mkŏ mjing, Klei bi lông Futsal HDBank sinh viên krĭng Lăn Dap Kngư 2023 srăng mkŏ mjing mơ̆ng hruê 30/5 truh hrue 11/6, ti Sang bi lông mjuăt asei mlei čar Dak Lak ti ƀuôn prŏng Ƀuôn Ama Thuôt. Klei bi lông mâo dŭm êpul Futsal dŭm sang hră gưl prŏng ti krĭng Lăn Dap Kngư mâo: Sang hră Lăn Dap Kngư, sang hră mdrao mgŭn Ƀuôn Ama Thuôt, Sang gưl prŏng hră Hdră Bhiăn Hà Nội - ti Dak Lak, sang hră gưl krah Bách Khoa Lăn Dap Kngư; Gưl krah FPT Polytechnic Lăn Dap Kngư; Gưl krah Hdră mnêč Dak Lak; Gưl krah mdrao mgŭn Dak Lak; Sang hră gưl prŏng Đà Lạt leh anăn Gưl krah Êpul êya Kon Tum.

Mơ̆ng klei bi lông, kñăm ƀuh phung thâo mbruă čiăng hriăm mjuăt, mđing kơ hđeh nao hlăm hdră êlan Futsal thơ̆ng kơ bruă, amâodah dưi mtô mjuăt phung bi lông kơ êpul Futsal ala čar./.