Tlam mbrue 12/11, ti ƀuôn prŏng Đà Lạt, Phŭn bruă dhar kreh mjuăt asei mlei lehanăn hiu čhưn ênguê, lehanăn knơ̆ng bruă sang čư̆ êa čar lâm Đồng mkŏ mjing leh klei bi kƀĭn bruă klei mrâo čiăng hưn mthâo kơ jih jang bruă bi lông fim rup Việt Nam tal 23 mkŏ mjing mơ̆ng hrue 21 - 25/11 tinăp. Klei bi lông fim Việt nam tal 23, mâo truh 177 mta fim ba bi lông, jing leh ênoh kdlưn hĭn êdi mơ̆ng êlâo dih truh kơ ară anei.

Hlăm anăn, mâo truh 91 mta fim dưi hrŏng ruah ba brei puăng ti anôk bi lông, lehanăn  56 mta fim lač kơ hdră kluôm. Êngao kơ klei pŏk knăm bi lông, bi ruĕ klei bi lông, lehanăn ngă bruă mđup brei klei pah mni, klei bi lông fim anei lŏ mâo dŭm bruă msĕ si, rang mdah “Đà Lạt – bi kơrŭ ai tiê khăp kơ bruă mkra fim rup”, “Mâo dŭm bruă phŭn kơ bruă mkra mjing fim rup Việt Nam”; mâo klei bi tuôm phung ngă fim rup, lehanăn mnuih khăp dlăng fim ti Lâm Đồng; mdah fim rup ti dŭm sang mdah fim, lehanăn mdah ti êngao, mkŏ mjing klei hiu dlăng lăn mnga êa mơak ti Đà Lạt - Lâm Đồng.