Klei bi lông mđung asăp nah gŭ čar Dak Lak mâo 12 sang mđung asăp gưl să nao hgŭm, hlăm anăn mâo 4 sang mđung asăp mâo klei pah mni prŏng hĭn hlăm klei bi lông gưl kdriêk dưi mkŏ mjing êlâo anăn. Boh tŭ brei ƀuh, jih jang phung nao hlăm klei bi lông mơ̆ng 12 sang mđung asăp thâo sơăi kơ hdră kčah hdră bhiăn kơ klei hâo hưn - mđung asăp nah gŭ, ruah leh boh phŭn hâo hưn, klă sĭt hŏng alŭ wăl čiăng mkŏ mjing hdră mđung.

Mjưh ruê̆ klei bi lông, Anôk bruă mkŏ mjing mđup brei leh 17 klei pah mni kơ dŭm anôk bruă bi lông, hlăm 3 boh phŭn jing: klei pah mni kơ pô răk, klei pah mni kơ pô čih mkra hdră leh anăn klei pah mni êpul lu./.