Ti ƀuôn hgŭm Ƀuôn Ama Thuôt, čar Dak Lak, Êpul gơ̆ng hlak mblang gưl dlông bi hgŭm hŏng Êpul hgŭm čih mkra, kdŏ mmuñ čar mkŏ mjing klei bi trông “Dhar kreh kdŏ mmuñ dŭm djuê ƀiă ti Lăn Dap Kngư - boh klei leh anăn hdră tă mđĭ kyar”. Phung bi ala bi mklă Lăn Dap Kngư jing anôk mâo lu djuê ana hdĭp mda hŏng mnơ̆ng kriê pioh dhar kreh lu jơr, jăk siam; lu êpul êya ăt kriê pioh klei blŭ, boh hră, kdrăp čŭt hơô leh anăn klei bhiăn djuê ana.

Khădah snăn, hdră mjĕ êrô, bi mlih dhar kreh mâo pral, lu ênoh yuôm huĭ luč ram kyua anăn bruă kriê pioh brei mguôp hŏng hiu čhưn ênguê, mjing hdră duh ƀơ̆ng kjăp kơ mnuih ƀuôn sang. Lu klei blŭ lač klei găl mnuih mă bruă čih mkra, kdŏ mmuñ kơ djuê ƀiă ka lu, klei bhiăn đru ka bi knar, bruă hâo hưn mtô mblang ka đei jăk. Klei bi trông đru bi mklă hĭn boh sĭt, đru pŏk ngă hdră mtrŭn mơ̆ng Đảng kơ klei mkŏ mjing dhar kreh, mđing kơ ênoh yuôm kjăp, jiă knhuah djuê ana.