Bruă anei mkŏ mjing mơ̆ng hrue 18/12/2025 truh hrue 2/1/2026 hŏng lu bruă ngă kơ kphê tar rŏng lăn, alŭ wăl rang mdah lehanăn klei lông mnăm kphê, mnơ̆ng ƀơ̆ng, mlam kưt muiñ kphê – ƀuôn prŏng čư̆ čhiăng, lehanăn hdră kdŏ muiñ “Jiă knhuah Dhŭng Amrĭk,  noel lehanăn countdown kkuh mơak thŭn mrâo 2026.

Hŏng êbeh 100 thŭn mkŏ mjing đĭ kyar, Lâm Đồng jing leh anôk yuôm bhăn kơ kphê Việt Nam, mđrĭng hŏng hnơ̆ng jăk, klei mkra mjing mrâo, lehanăn bruă hiu čhưn ênguê kphê. Knăm anei mkŏ mjing kñăm tui tiŏ kơ sa klei čang hmăng mâo knhuah hjăn mơ̆ng Lâm Đồng. Hlăm hdră anei lŏ mâo klei bi kƀĭn kơ kphê hŏng tar rŏng lăn, mdah klei ruĕ hlăm êlan klông, lehanăn bi êdah êpul hgŭm kphê Việt Nam – Tar rŏng lăn.