. Thŭn hiu čhưn ênguê ala čar 2022 dưi mâo êbeh 210 bruă dhar kreh, hiu čhưn ênguê hlăm kluôm ala, hlăm anăn knŏng čar Quảng Nam mâo 73 hdră bruă, đru bi lar bruă klam, boh tŭ dưn bruă hiu čhưn ênguê hŏng bruă duh mkra ala čar. Khădah phung tuê hiu čhưn ênguê mơ̆ng ala tač êngao hriê truh ti Việt Nam ka mâo ôh msĕ hŏng klei hmăng hmưi, ƀiădah thŭn 2022, Việt Nam tŭ drông leh 3,5 êklăk gưl čô tuê.

Kluôm ênoh phung tuê hlăm ala čar đăo knăl mâo 101,3 êklăk gưl čô. Kluôm hnư hrui wĭt mơ̆ng bruă hiu čhưn ênguê mâo 495 êbâo êklai prăk. Hdră ksiêm wĭt thŭn Hiu čhưn ênguê ala čar – Quảng Nam thŭn 2022 mâo boh sui 90 mnĭt, hŏng klei hưn Quảng Nam – krĭng lăn bŏ hŏng knhuah gru dhar kreh, hƀuê ênuk cách mạng, hŏng klei mlih mrâo… Hŏng lu klei găl čŏng mâo, klei găl dhar kreh čiăng mđĭ kyar bruă hiu čhưn ênguê, hdră anei kñăm bi klă, čih yap boh tŭ dưn Thŭn hiu čhưn ênguê ala čar – Quảng Nam thŭn 2022, mbĭt anăn ba jao hla čhiăm gru mkŏ mjing hdră anei thŭn 2023 kơ čar Bình Thuận hŏng akŏ “Bình Thuận – klei mklin mtah”