Jing anôk bruă mkŏ mjing, ƀuôn prŏng Ƀuôn Ama Thuôt dưi mkŏ mjing tŭ jing 16/18 mta bruă phŭn mơ̆ng Knăm mơak kphê Ƀuôn Ama Thuôt gưl tal 8 thŭn 2023. Dŭm mta bruă sa ai hŏng knăm mơak msĕ si: Hruê knăm dhar kreh, mjuăt ktang asei mlei dŭm djuê ana mnuih djuê ƀiă ƀuôn prŏng Ƀuôn Ama Thuôt, mkŏ mjing hdră App Kphê leh anăn hiu čhưn ênguê, Mkŏ mjing anôk mnăm kphê amâo mâo mă bruă ti êlan dơ̆ng Phan Đình Giót, mtrŭt mjhar dŭm sang mnăm kphê čhĭ kphê amâo mâo mă bruă hlăm wưng mkŏ mjing knăm mơak…Ăt mâo ƀuôn prŏng Ƀuôn Ama Thuôt mkŏ mjing tŭ jing, mâo lu gru kruăk jăk hlăm ai tiê phung tuê leh anăn mnuih ƀuôn sang alŭ wăl.

Mta kñăm hlăm dŭm mta bruă sa ai hŏng Knăm mơak kphê Ƀuôn Ama Thuôt gưl tal 8 mơ̆ng ƀuôn prŏng Ƀuôn Ama Thuôt jing dưi mtrŭt mjhar giăm 380 anôk bruă, knơ̆ng bruă mnia mblei kphê ti 21 să, ƀuôn hgŭm nao hgŭm hlăm hruê knăm mnăm kphê amâo mâo mă prăk, êbat jơ̆ng mnăm kphê amâo mâo mă prăk hŏng êbeh 250 êbâo kčok kphê kơ phung tuê, đăo knăm êbeh 6 êklai prăk. Mơ̆ng klei tŭ jing mơ̆ng hruê mnăm kphê amâo mâo mă prăk hlăm knăm mơak kphê Ƀuôn Ama Thuôt gưl tal 8, hlăm wưng kơ anăp, ƀuôn prŏng srăng ruah hruê 10/3 grăp thŭn jing hruê knăm kphê amâo mâo mă prăk ti Ƀuôn Ama Thuôt, mđing truh mkŏ mjing ƀuôn prŏng Ƀuôn Ama Thuôt jing ƀuôn prŏng kphê tar rŏng lăn.