Yăl dliê kơ dŭm klei ngă yang djŏ tuôm hŏng bruă lŏ hma, mnuih Sêdang ngă jêñ jêñ dŭm klei ngă yang kdrưh kơăm leh anăn mpŭ čiăng myơr lač jăk kơ yang, sa hlăm anăn jing klei ngă yang pin êa. Hluê si klei bhiăn djuê ana, klei ngă yang pin êa mâo mnuih Sêdang mkŏ mjing êjai êa ti pin êa amâo mâo lŏ doh êngeh amâodah êjai mrâo mkŏ mjing ƀuôn amâodah mphŭn mŭt hlăm wưng pla mdiê kreh jing mlan 3, mlan 4 grăp thŭn.

Pô thâo mbruă A Kên ti kdriêk Đăk Tô, čar Kon Tum lač, klei ngă yang pin êa lŏ mâo mnuih Sêdang mkŏ mjing hlăm wưng knal jih thŭn êjai diñu huă mdiê mrâo. Mmông anăn jih jang mnuih ƀuôn sang bi nao jah waih čiăng mprăp bi hluh hnoh êa. Pô thâo mbruă A Kên lač:  Dưi mkŏ mjing êlâo kơ hruê tếr čiăng mprăp drông thŭn mrâo, kyuanăn srăng ngă pin êa mrâo. Huĭdah knang êa hđăp đuôm hĕ boh tâo, hla kyâo čhŏ, phŭn dô dih hlăm ƀuôn mâo êa mđoh mơ̆ng pin êa mŭt hlăm ƀuôn, anăn jing êlâo dih, arăng anei lu jing yua êa kƀăng.

Mnuih Sêdang mĭn kơ êa jing mnơ̆ng yuôm hĭn kơ djăp mra, yuôm hĭn kơ čhŭm ao êsei huă. Klei hdĭp anei dưi đĭ mda ăt kyua mâo êa. Kyuanăn, bruă mkŏ mjing klei ngă yang pin êa jing čiăng kơ yang êa, yang čư̆, yang krông thâo ti anôk anăn mâo ƀuôn sang hdĭp mda leh anăn hơêč hmưi klei myun mdan, hĭn kơ kơnăn jing mnuih ƀuôn sang thâo bi khăp, bi mguôp leh anăn bi đru kdơ̆ng pô.

Phan Văn Hoàng, khua kiă kriê knơ̆ng bruă Dhar kreh leh anăn mjuăt asei mlei čar Kon Tum brei thâo: Grăp thŭn leh hrui pĕ boh mnga, mnuih Sêdang lŏ mkŏ mjing klei ngă yang pin êa, mdưm knang êa mrâo čiăng akâo mâo angĭn jăk hjan siam, mâo lu boh mnga, anak mnuih mâo klei hdĭp trei mđao, yâo mơak. Kyuanăn yơh mnuih Sêdang čiăng răng kriê, kih waih grăp thŭn. Ngă sơnăn kơh mâo hnoh êa doh êngeh, mnăm êđăp, phung yang amâo mâo ƀuah ăl ƀiădah srăng uêñ mĭn, đru kơ ƀuôn sang. Kyuanăn yơh grăp thŭn mnuih ƀuôn sang ngă yang pin êa, mdưm knang êa mrâo. Phan Văn Hoàng brei thâo: Kyua klă sĭt hŏng mnuih ƀuôn sang tinei dliê myang diñu hŭi amâomâo jhŏng nao, kyuanăn mâo ana kyâo mtâo hlăm anăn djă êa jing jăk êdi, bi kơ klei anei mbĭt mbĭt hŏng khua mduôn bi trông, diñu ruah sa hruê čiăng lŏ wĭt mkra bi jăk pin êa.

Leh khua mduôn ruah hruê ngă klei ngă yang, tal êlâo srăng bi kƀĭn jih jang mnuih hlăm ƀuôn. Kyuanăn yơh phung êkei êdam mbĭt hŏng phung mâo kơhưm srăng dưi ruah brei nao koh đrao ngă knang êa, jing dŭm ƀĕ đrao prŏng leh anăn dlông.

Čiăng dưi mâo klei ngă yang kluôm dhuôm, dŭm mta bruă mprăp kơ klei ngă yang ăt srăng ênŭm mơh, wăt kơ klei blŭ tlao nao hriê, truh kơ klei dôk dơ̆ng ƀơ̆ng huă ăt bi êdah klei akâo čiăng kơ yang ƀuh ai tiê mơ̆ng mnuih ƀuôn sang. Êngao kơnăn, bruă mprăp mnơ̆ng ngă yang hlăm klei ngă yang pin êa ăt jing bruă yuôm bhăn anăn jing duah anur. Hŏng mnuih Sêdang, anur jing mnơ̆ng doh leh anăn ba klei myun, kyuanăn srăng mâo čiăng ngă mnơ̆ng ngă yang êngao kơ mnŭ leh anăn ŭn. Pô thâo mbruă A Kên brei thâo: Mnơ̆ng ngă yang jing sa drei anur kyua mnơ̆ng anei ba wĭt klei myun, ba wĭt klei trei mđao kơ mnuih ƀuôn sang, amâo mâo brei kkuih, kƀoh bi rai boh mnga.

Leh dŭm mta mnơ̆ng ngă yang dưi mprăp ênŭm, êlâo kơ ngă yang, phung mniê dưi mbha ngă bruă jah waih leh anăn koh kyâo ngă gơ̆ng, êkei nao koh ana đrao khua čiăng ngă knang êa. Ti akŏ leh anăn tluôn knang êa srăng mdơ̆ng msĕ bĕ gơ̆ng msĕ hŏng gơ̆ng ngă yang hŏng ana alê hŏng mta kñăm jing blei êa hŏng yang êa. Ti gơ̆ng anăn, mnuih Sêdang yuôl dŭm mta kông wil điếr dưi mkra hŏng ana drao. Anei dưi dlăng jing klei bi knăl čiăng kơ yang êa, yan dliê thâo leh anăn răng mgang kơ grăp čô, akâo kơ angĭn hjan jăk, amâo mâo klei không kƀah êa leh anăn êa lip lêč hŏng mnuih ƀuôn sang, êa amâo mâo tuôm khuôt leh anăn bŏ dlai nanao.