Hlăm mmông bi tuôm, phung čih mčeh hrăm mbĭt kah mbha klei hriăm čih klei yăl dliê kơ phung hđeh, dŭm klei čih djŏ guôp hŏng grăp ênuk thŭn, klei yua boh blŭ, klei blŭ êjai čih kơ mta phŭn anei. Phung čih klei yăl dliê ăt bi êdah dŭm klei dleh dlan hlăm bruă čih klei yăl dliê kơ phung hđeh, bi êdah klei hmăng hmưi khua kiă kriê Êpul čih klei yăl dliê čar Dak Lak srăng uêñ mĭn, mkŏ mjing gưl nao čuă dlăng, čih klei yăl dliê kơ phung hđeh ti alŭ wăl.

Pô bi ala sang kđăm mkra Kim Đông ăt hưn mdah kơ klei pah mni Klei čih yăl dliê Kim Đồng. Anei jing klei pah mni tal êlâo dưi mkŏ mjing kơ dŭm klei čih kơ phung hđeh. Ênoh jih jang klei pah mni anei giăm 400 êklăk prăk, hŏng klei pah mni lu hĭn truh kơ 100 êklăk prăk.