Klei rang mdah 150 pŏk rup mơ̆ng hruê Hà Nội mphŭn pŏk mlar anôk bruă knŭk kna 1/8/2008 truh ară anei. Mơ̆ng anăn bi êdah grăp knhuang đĭ kyar kơ bruă duh mkra-ala ƀuôn, klei hdĭp mnuih ƀuôn sang, bruă hŏng tač êngao, klei êđăp ênang, lĭng kahan mơ̆ng ƀuôn prŏng phŭn 15 thŭn êgao, bi mklă pŏk mlar ƀuôn prŏng phŭn jing djŏ klă.

Klei rang mdah hŏng dŭm pŏk rup siam, jăk kơ ƀuôn prŏng phŭn Hà Nội - kboh mơ̆ng kluôm ala, hŏng ƀô̆ mta mrâo, dôk gĭr ktưn đĭ kyar ktang, dưi mâo lu klei tŭ dưn prŏng prĭn, năng jing anôk bruă phŭn kđi čar - hră mơar ala čar, anôk phŭn kơ dhar kreh, mtô bi hriăm, kreh knhâo leh anăn mnia blei hŏng lu ala čar mơ̆ng kluôm ala. Klei rang mdah đru mđĭ klei ktưn hưn, mđĭ ai phung knuă druh đảng viên leh anăn mnuih ƀuôn sang bi hgŭm, hrăm mbĭt sa ai tiê, hŏng klei mkŏ mjing ƀuôn prŏng phŭn ƀrư̆ mdrŏng sah jăk siam, mrâo mrang./.