Klei anei jing hdră kruăk klei nao hgŭm klă sĭt mơ̆ng êpu mjuăt asei mlei bi ala kơ 11 ala čar  Ngŏ Dhŭng Asi nao hlăm ASEAN PARA Games.  Grăp ala čar mâo 30 čô bi lông, knuă druh nao hlăm Knăm mđĭ hla čhiăm gru. Klei bi lông mjuăt ktang asei mlei phung amâo jăk asei mlei Ngŏ Dhŭng Asi (ASEAN Para Games 12) srăng mkŏ mjing ti Campuchia mơ̆ng hruê 03-09/06.

ASEAN Para Games 12 mâo hlăm brô 2600 čô, hlăm anăn mâo 1400 čô bi lông mơ̆ng 11 ala čar ti krĭng Ngŏ Dhŭng Asi. Phung bi lông hlăm dŭm mta msĕ si bi lông êran, pah mlâo mnŭ, boccia, cờ vua, čưng boh 5 čô, 7 čô, judo, luê êa, peng pong, pah boh dôk gŭ, E-sport. Hruê  31/05, Êpul bi lông phung amâo jăk asei mlei Việt Nam nao leh ti Campuchia nao hlăm Klei bi kƀĭn hŏng 159 čô, hlăm anăn mâo 16 čô knuă druh êpul, 21 čô mtô mjuăt leh anăn 122 čô bi lông.